Main Page/gd

This page is outdated! Please refer to the English page - and consider to translate it.

File:Mainpage gd.png

Glacadh-sgrìn a' gheama

'S e geama bùird a tha ann an Scrabble far am bi daoine a' feuchainn ri faclan a chur air bòrd air dòigh car coltach ri tòimhseachain-tharsainn. Bidh suas gu ceathrar a' cluich còmhla agus gheibhear 7 no 8 litrichean gach cuairt gus faclan a chruthachadh. Nuair a thig d' iomairt, bidh agad ri facal a chur air a' bhòrd leis na litrichean a tha agad, le ceangal do dh'fhacal a tha air a' bhòrd mu thràth. Tha luach an fhacail a' crochadh air na litrichean a chleachd thu agus luach nan ceàrnagan duaise air a bheil am facal. Buannaichidh an neach aig a bheil an sgòr as àirde aig deireadh a' gheama.

Thathar a' cluich air bòrd 2D an geama tradaiseanta, 15 le 15 ceàrnagan no 21 le 21 ceàrnag ann an Superscrabble. 'S urrainn dhut bòrd ùr a dhèanamh dhut fhèin sa gheama seo cuideachd. Tha gleus eile an lùib a' phrògraim seo agus sin Scrabble3D - geama air trì dimeinseanan far an urrainn dhut facal a chur a-null cuideachd. On a tha barrachd cheàrnagan ann, bidh agad ri seata nan litrichean iomadadh ach tha sin furasta gu leòr.

'S urrainn dhut an geama atharrachadh air iomadh dòigh eile, eadar àireamh nan litrichean agus na riaghailten, an cuid luach, am faclair, cànain na h-eadar-aghaidh agus dathan is na cruthan-clò.

Tha dà sheòrsa geama ann san fharsaingeachd, feadhainn a chluicheas tu an aghaidh a' choimpiutair agus feadhainn a chluicheas tu an aghaidh daoine eile air frithealaiche geama. Ma chluicheas tu air an lìonra, gheibh thu rangachadh cuideachd, mean air mhean. A bharrachd aig geamannan beò, gabhaidh geama neo-shioncronaichte a chluich far an urrainn dhut iomairt fiù mur eile an fheadhainn eile sa gheama ann an-dràsta fhèin. 'S urrainn dhut coimhead air geamannan eile cuideachd agus tha cothrom cabadaich ann gun teagamh sam bith.

Tha an stàladh furasta gu leòr agus tha gleus ann leis an urrainn dhut ùrachadh a lorg 's a chur an sàs ma nochdas gin air an fhrithealaiche

Cobhair

Ma bhios cobhair sam bith a dhìth ort, feuch earran na Gàidhlig air Fòram Scrabble3D air no Fòram na Gàidhlig.